Bolzwies-Echo 2/95, 7.7.1995, Artikel 10 von 12 zurück weiter Inhalt
Dialog vom 6.7.1995 über das Pokalspiel gegen die Bolzwies aus Heusweiler am 26.5.1995 auf dem Heidstock.
Telefon: Klingel, klingel!
Arno: Kläser Andreas?
Schdolle: Unn?
Arno: Joo. Unn selbscht?
Schdolle: Moo ja!
Arno: Eh, Schdolle! Uns fählt noch e Bericht iwwas Pokalschpill uffm Häädschdock.
Schdolle: Mach kää Sache! Do mach ich mich doch gleich mool draan. - Awwa das iss schonn so long häär. Was iss donn doo meh alles gewään?
Arno: Also, ich wääß nur noch, daß das on irgend so nem Freidaach wor, wo ich donn noch de FCK gugge gefaahr bin.
Schdolle: Mach kää Sache! Ei, donn gugg ich mol im Kalenna. Zement emol... Do isses. Om Sechsezwonzischste Mai wor das gewään.
Arno: Ehrlich? Mach kää Sache! Unn ich honn gedenkt, das wär e Wuch noom neinzehnte gewään. Ge'e wen homma donn doo noch gespillt?
Schdolle: Das woore so Typpe aus Heusweiler. Die honn aach Bolzwies gehiesch, unn deswe'e wolde ma ne zeie, wer die echt Bolzwies is.
Arno: Das iss donn awwa glaawisch schief gong, ne?
Schdolle: Das komma so saan. Wer wor das meh, wo do es äns null vaboggt hat?
Arno: Wor das unsa toobischa Doormonn? Der wella, wo do Arno hääscht? Muß ma das unbedingt vazeehle?
Schdolle: Jo, genau, DU Depp worschd das! Do is e hoha Ball komm, unn Du bischt rausgelaaf unn hascht ne aus dreißisch Meeda mim Hinnakopp ins eischene Door geköppt!
Arno: Mach kää Sache! Do konn ich mich gar nimmee droon erinnere. Awwa hädde ma doo nitt schonn längschd fiehre misse?
Schdolle: Joo, awwa die Toobadde im Schturm honn jo die Kiste nitt getroff. Dofier hat die Abwehr gleich mol e Lapsus zum zwei Null gemach.
Arno: Do wollt ich schonn hemm gehn.
Schdolle: Ich wääß. Du haschd joo de gonze Daach kään Luscht gehadd.
Arno: Das schtimmt so nitt. Wenischdens honn ich donn noch ääna gehall, unn - aaah, jetzt wääß ich es widda: Ich honn dir de Ball geschmiß, du hascht ne oongeholl, em Pauli in de Lauf geleet, unn der is ab damit. Wenna denne vaschuß hätt, wär a gekreizischt genn.
Schdolle: Hadda awwa nitt. De Balou hat donn noch kurz vor Schluß es zwei zwei gemach.
Arno: Jo! Klasse! Damit donn all no voore laafe, unn mir donn ausgekontert genn.
Schdolle: Mir kinne halt äänfach nitt mauere.
Arno: Do kinnschde Recht hann. Awwa das komma nitt ännan, mir wolle halt imma gewinne. Unn ma konn halt nitt gleichzeidisch mit alle Monn schdürme unn hinne dicht mache. Das gedd nitt.
Schdolle: Sann ich ach nitt. Ich will awwa jetzt maule. Daß mir das Schpill valoor honn, hat nitt misse sinn. Wennischdens die letschde zwei Minudde hädde ma das Ding hinne rausbloose misse.
Arno: On demm Daach wor doch jeder schlecht. Do hätt änna beschtimmt om Ball vorbeigeträät, unn donn wär das drei zwei trotzdem gefall. Odda es hätt enna de Balou ongeschuß.
Schdolle: Jo, is gudd jetzt, ich menn, das reicht.
Arno: Unn was holle ma jetzt als Fazit?
Schdolle: Hühnerhaufe!
Arno: Ei gudd donn.
Schdolle: Allee, tschüß!